აპოლოგია სალიერისა (შექსპირული სონეტი)

ნინო დარბაისელი

აპოლოგია სალიერისა
(შექსპირული სონეტი)


ვის - სწირავს, ანდა - იწყალებს ბედი,
ვის - გაუსწრია, ვის - ზედ უსწრია…
გაჯერებს ტყუილს, გონზე მოქმედი
კინოფილმების ეს ინდუსტრია:

ფილმმა რეალი როგორ არია…
ხვეტა ჭორები, ნათქვამი ადრე!
მკვდრები - ცოცხლების ნებას არიან,
თავს ვერ იცავენ?! - რაც გინდა, ჰკადრე!

რა დააშავა ნიჭის ქომაგმა
ვენეციელმა ამ სალიერმა?
ასხეს მხურვალე ლავა თუ მაგმა,
გასწირა ხალხმა ზნეცარიელმა?!

მოდის მოცარტი და სალიერი -
- ნათდება ქვეყნის დასალიერი.