ჩანაწერი Laravel

ჩემი მაისი — მაიაკოვსკი

nikala 1 წლის წინ

♡ 0

ვინც
ქუჩაში გამოვიდა ქარხნიდან
და ზეიმს აპირებს, —
ვინც
გამოიწრთო მინდვრებზე
შრომაში, —
შეხვდით ჩვენს მაისს
პირველს
მეგობრული სიმღერით.
მარშით.
გაზაფხულის მოსვლის ზეიმია.
მზით მოქარგული აისია!
ვარ მუშა —
ეს მაისი ჩემია!
ვარ გლეხი —
ეს ჩემი მაისია!

ჯავშნოსნებიდან
ზარბაზნებს
რატომ უმიზნებთ ძმებს,
სანგრებით
რატომ დაკლაკნეთ ველები?!
პირველი მაისია!

შევხვდეთ მაისს
პირველს,
გადავაჭდოთ
ომით გაშორიშორებული ხელები.
შაშხანის ტყვიას ზუზნი სჩვევია,
არ სდუმს ტყვიამფრქვევი: ყეფის ხმა მისია!
ვარ მეზღვაური —
ეს მაისი ჩემია!
ვარ ჯარისკაცი —
ეს ჩემი მაისია!

გასცილდა
ქუჩებს
ზამთრის სამოსელი, —
ხარობენ ველები,
ტყეები,
ყანები —
პირველი მაისია!
ადიდეთ მაისი
პირველი
გაზაფხულების
მხნე აყვავებით!
მინდვრებს სიმღერა ურჩევნია.
საყვირთა ხმების ხალისია!
ვარ რკინა —
ეს მაისი ჩემია!
ვარ მიწა —
ეს ჩემი მაისია!

1922 (თარგმანი ვ. ლაფერაშვილისა)

Laravel

ჩემი მაისი — მაიაკოვსკი

კომენტარი