სხვანაირად

რაღაც სხვანაირად გათენდა და
მზეც რომ სხვანაირი ამობრწყინდა,
უცებ დავიჯერე ,,წარსულში ვარ"
გული საგულედან ამოფრინდა...

ისევ ბავშვობანა გავიხსენე,
წლები დავაბრუნე მონდომებით,
სიყრმის მოგონება გავაცოცხლე,
წარსულს დავუბრუნდი რუდუნებით.

თვალმა გეძია და დაიჯერა,
რომ ისევ სკოლაში შევხდებოდით,
და მერხთან ადგილს მოკრძალებით,
როგორც ბავშვობაში დამითმობდი.

რომ კვლავ იმძლავრებდა ემოცია,
თვალებს მონატრების ცრემლი დანამავდა,
მაგრამ აირია გზები ძველებურად,
როგორც მოველოდი, ისე არ დაღამდა!