მიყვარხარ-მეთქი

თუკი უეცრად წამომცდება:
მიყვარხარ-მეთქი —
ნუ გაიოცებ.
უეცრად კოცნას თუ მოგპარავ,
ნუ დაიმორცხვებ.
შენს სხეულს სურნელს თუ დავტყუებ —
ნუ გეწყინება.
შენ ჩემთვის გაჩნდი და
ვერავინ შემეცილება.
— არა, გეხუმრე, ნუ ბრაზდები,
არ შეგეხები.
ვიცი, სუსტი ხარ, შენ ვერ გაძლებ,
შენ მომეხვევი.

ახედე ღამეს,
სამკაულებს, ცას რომ ჰკიდია.
რასაც შენთან ვგრძნობ,
ღამის ცაზე ბევრად დიდია“.

2002 წ.