***დიდი ხელებით მოვდივარ შენთან

დიდი ხელებით მოვდივარ შენთან,
დიდი ხელებით გთხოვ — მოწყალებას.
ადამიანად დავპატარავდი
და შენს სიყვარულს ველი იმედად.

რა მემართება, თვითონ არ ვიცი,
როგორ დამნაცრე და დამასუსტე...
შენი შემყურე ვუმღერ გაზაფხულს —
იქნება მხრებზე მზე აკიაფდეს.

გამათბობს შენგან გაყინულს სხივი,
სიცივით ნაკაწრ სხეულს გამითბობს...
რა დაგიშავე, ასე რომ მტანჯავ?
რა დაგიშავე, სიზმრების ქარო?.. 🌸

2024.14.06