ლევიკოს ოცნება

სულ ათებზე ვისწავლი,
და გავხდები მკვლევარი,
დღე და ღამე ოცნებობს,
პაწაწინა ლევანი.

ისე ბევრი რამ მინდა,
თითებზეც ვერ დავთვალე,
პირველ რიგში ბებიკოს,
შევუძინო სათვალე,

ბაბუს ხელ-ჯოხს ვაჩუქებ,
ვარაყიან ტარითა,
დედას, -ყავის ფინჯნებსა,
ნაზი მინანქარითა,

საქსოვ ჩხირებს ვუყიდი,
ჩემს უფროსსა დაიკოს,
ხოლო მამას, - არ ვიცი,
რა მივართვა მამიკოს?

ალბათ საპარსს შევურჩევ,
უკეთესსა თოკაზე,
რადგან აღარ დამჩხვლიტოს,
მან კოცნის დროს ლოყაზე.