წარსულმა დღეებმა დაიტოვა

წარსულმა დღეებმა დაიტოვა
რაც გამოვიარე აქამდე და
არ მინდა მანამდე გავქვავდე-

სანამ ერთხელ მაინც არ ვნახავ,
ჩემს სილაღესა და ბავშვობას,
რომელიც ძალიან დამშორდა

და დღემდე გულის გულში ვინახავ
სხვანაირ სიყვარულს, მაშინდელს,
და სანამ სიკვდილი დამშლიდეს-

მინდა სულ ცოტა ხნით გავიარო,
ბილიკებზე ჩემი წარსული გზის და
გავიხსენო ფერი ჩასული მზის.