არ იწერება სიყვარული

რამდენჯერ წავშალე,
დავწერე, წავშალე.
არ იწერება სიყვარული,
აქამდე ჩანჩალებს.
ძლივას მივუხვდი...
შევეფარე,
შემომეფარა,
ღიმილი ეფინა
სიყვარულს და
გრძნობების კავალერს.
მე გავიღიმე,
მანაც ---გულიანად.
მივუახლოვდი და თავი მივაყრდენი,
მერე დავიჩოქე და ქუსლთან გარღვეული წინდა გავუკემსე.
თითქოს ვერ ხედავდა,
მივუტანე თვალებთან პენსნე.
ხელი ჩავჭიდე და დავუჩოქე,
მიყვარხარ- მეთქი ვუთხარი და,
სიყვარულს ვერ ვწერ.


2019 წელი