საშობაო იავნანა

(ინგლისური საშობაო ალილო გადმოაქართულა მაია კარსელმა)
იავ-ნანა, ვარდო-ნანა,
იავ- ნანინაო!
შობის ლამაზ ვარსკვლავებმა
გაანათეს ცაო!
ანგელოზნი ზარებს რეკენ,
ციდან მოისმაო.
ფერად-ფერადი სიზმრები
თვალს დაგეფინაო,
დედიკოს ტკბილმა ამბორმა
ღრმად ჩაგაძინაო,
იავ-ნანა, ვარდო-ნანა,
იავ-ნანინაო!
ფეხაკრეფით მოდის ღამე-
შობა დამდგარაო!
დაგებედოს, პაწაწინავ,
ღმერთის წყალობაო,
სიკეთე და სიყვარული,
ავის დაჯაბნაო!
ნანა, ჩემო სიცოცხლეო ,
იავ-ნანინაო!
მაია კარსელი