ვიდრე

თავისუფლება ლომთა ხვედრია
ჯ. ჩარკვიანი

მე,
ბრძოლის ველზე, წაქცეული,
და დარჩენილი უიარაღოდ,
ვიდრე
გაქცევას მოვინდომებდი,
ინტუიციამ მიკარნახა, რომ
ჩექმის ყელში ჯაყვა მებადა.
გამომიფხიზლდნენ
ჩათვლემილი სულში ლომები,
დაუფიქრებლად,
მიმატანინეს ხელი ჩექმასთან.
იმ დრომდე, ვიდრე სულში
ლომებს,დაედგომებათ
კიდევ მომელის დიდი ომები
და თუ წარსულმა გამოცდილება,
თუნდაც მისხალი, ერთი შემმატა,
დაჩავრას, როცა მომინდომებენ,
დაუყოვნებლივ
აღმოჩნდება ხელი ჩექმასთან.