ვითმენ...აღარ ჩადის ყელში

ვითმენ...აღარ ჩადის ყელში,
ვუძლებ დღეებს ქარიშხლიანს...
სამშობლოა აქ.. ჩემს
მკერდში-
ცეცხლოვანი არითმია...
ეს რა სატკივარი გვჭირსო...
(ეშმა აღარ უჩინარობს)!
ვის დაკრულზე ხტუნავ კვიცო,
ცის დედოფლის უსმინარო!!!
წილი ყარეს ავაზაკთა:
ჩვენი რჯული გადათელონ...
ვის თამაშებს ეწირები
ჯიშიანო საქართველო!!!
ფრთხილად, ჩემო საქართველო!!!
არ დაეცე საქართველო!!!
გულის გულო, საყვარელო!!!
ღმერთი შენთან, სანატრელო!!!