თიკა შავიძეს (შვილიშვილს)

კარგი სიმღერები იცი
და ლექსებსაც ამბობ კარგად.
მე რომ ლექსებს გიგზავნიდი,
მითხარ, ხომ არ დაგეკარგა?

ჰოდა იცი, ქალიშვილო?
ერთიც მინდა რამე გკითხო:
არ ინანებ იმ წიგნიდან
ერთი ლექსი წამიკითხო?

მართალია, მე დავბერდი
და მუზასთან გამდის ყავლი,
მაგრამ რა დაგიშავდება
ჩემი ერთი ლექსის სწავლით?

აბა, უთხარ შენს დედიკოს,
თიკა-გოგო! თიკა-ქალო!
ბაბუკამ რომ დაგიწერა,
ის ლექსები დაგასწავლოს.

აი, ახლა გამოჩნდება,
ვინ ირუმბა, ვინ იტიკა,
თიკა მართლა უყვარს ბაბუს,
თუ ბაბუკა უყვარს თიკას.