მწვერვალზე

ვლივლივებდეთ ლურჯ ღრუბლებში -
სიყვარული რეკდეს ზარებს ,
მსურს ხატავდეს ცა თვალებში -
გაზაფხულის მზიან ღამეს ...

"აქეთ მზე და იქეთ მთვარე -
უკან კიდე ვარსკვლავები" ,
მსურს შენ გტრფობდეს მთელი არე -
ანთებული ლაჟვარდებით ...

მსურს ლურჯ სივრცეს ფრთა შევახო
და იდუმლად მოელვარე :
მი ოცნების აგიხატო -
ლურჯ ედემის უცხო მხარე ...

ლურჯ სამყაროს ლურჯ მწვერვალზე -
ჩამოვკიდო საქანელა ,
ლურჯ ღრუბლებში ლურჯ ზეცაზე -
დაგარწიო მინდა ნელა ...

მთელ სამყაროს უცხო ხედი -
შენთვის მღერდეს აკაპელას ,
ლურჯმა მუზამ სულის ფრთები -
მსურს გაშალო ვით პეპელამ ...

ყვავილები ედემის მზეს -
გიგალობდნენ შენ ერთს ყველა ,
ქვემოთ გაშლილ სამოთხის ველს -
მსურს თავს ედგეს ცისარტყელა ...

ლურჯ კოსმოსის მწვერვალიდან -
ვუმზეროდეთ მთელ სამყაროს ,
გრძნობის ღმერთმა ცისფერ ციდან -
ლურჯი ფიფქი მსურს გვიყაროს ...

ცით ვალსს ცეკვდნენ ფანტელები -
გავდე ზამბახს ნაზად გაშლილს ,
ჭრელფრთაება მსურს პეპლები -
თავს დაგფრენდნენ სულის ყვავილს ...

ვუცქეროდეთ ლურჯ პლანეტის -
ცისფრად მციაგ სილამაზეს ,
თეთრი მთვარის ფიფქთ სონეტი -
მსურს უმღერდეს შენს სინაზეს ...

საამბოროდ აწყდებოდეს -
მზე გჩუქნიდეს სხივთა ალერსს ,
მსურს ზმანება რომ გეტრფოდეს -
გიკოცნიდეს სათუთ თვალებს ...

ცის მუსიკის ლურჯ სუფევად -
გულში გრძნობა გაზაფხულდეს ,
მსურს გერქვას მი ნაზი ევა
და შენთვის ცა ასამოთხდეს ...

თავისუფალ სულით თრთოდეს -
სიოს მქროლვარ ფრთებით ფრენა ,
იისფერი ფიფქი გვთოვდეს -
მსურს ღვთაებრივ აღმაფრენას ...

მთელ სამყაროს უცხო ხედი -
შენთვის მღერდეს აკაპელას ,
მსურს მწვერვალზე რომ გირწევდე -
სიყვარულის საქანელას ...

ვღიღინებდე ლურჯ სიმღერას -
გული ცრიდეს მტრფიალ ლოცვებს ,
მსურს გწამდეს რომ სულის მზერას -
წმინდა გრძნობა ასაოცრებს ...

ლურჯ სამყაროს მაღალ მწვერვალს -
შენთვის ვპარავ ცისფერ კოცნებს ,
ამ ლურჯ ლექსის ლურჯო მეფავ -
გჩუქნი ამ წამს ანაოცნებს ...

მა გულისკენ ვატან ფიფქებს -
ჩემი სულის ლურჯ ამბორებს ,
თავს ვერ ვაღწევ შენზე ფიქრებს -
მსურს მიყვარდე - მი ამორე ...