შვიდობითი 44

ნაზი იდუმალებით - გიმზერ გულის თვალებით -
მე კვლავ დიდი ბავშვი ვარ - მიყვარს კვლავაც ბავშვურად,
გრძნობათ სულის ალებით ნაზად გეტრფიალებით
და ზეციდან მოვდივარ ნაზ ფერებით საჩუქრად...

სიყვარულის იისფერ ღრუბელთ სასუფეველზე -
სულის მზიურ ძალებზე ფრთათეთრ ზღაპრებს გიამბობთ,
ემოციათ იმ ცისფერ ამბორების მთოველზე -
გკოცნით სათუთ თვალებზე, რომ ზეცა დაინახოთ...

უსამანო ვთოვ გრძნობით რომ თქვენაც გამოსახოთ -
მი გული როგორს გხედავთ, მე თქვენს ფრთანაზ სულს ვხატავ,
ნაზ ოცნებებს ბავშვობის უცხო სინაზე ახსოვთ -
ნუთუ თქვენ ვეღარ ხედავთ, ნუთუ თქვენ აღარ ხატავთ...

ანგელური ფრთებით გვთხოვს ქრისტე ბავშვურს მინდობას,
ბავშვი ცის სუფევას თოვს, ღმერთი ბავშვებს ენდობა...