სამებისი 3

* ზღვისთვის გულის მღელვარება და სილაღე ქართ სულთაგან -
ცისთვის თვალთა ელვარება - ყვავილისგან კი სინაზე:
თოვლისაგან სისპეტაკე - სიამაყე მწვერვალთაგან -
მზისთვის სული "მოგიპარავს" - ღვთაებისთვის სილამაზე *...

ცას უმღერი იავნანას კოსმიურ ტბის სირინოზი -
ოქროს აკვანს ურწევ ვარსკვლავთ იდუმალი დედოფალი,
ქართული ტყის ფერია და ქართულ ტაძართ ანგელოზი -
თეთრი შხარას ქალღმერთი ხარ და შავი ზღვის ამორძალი...

მი ფრთათეთრი სერაფიტა და ოცნება კავკაზთ ზეცის -
ხარ გულების მტაცებელი თოვლის თეთრი ლეოპარდი,
გრაციოზულ შენს მშვენებას გალანტი ვერ გავექეცი -
ნაზ ტრფიალით მსურს მოგიძღვნა გულიდან ეს თეთრი ვარდი...

ამურესა მზეთამზე ხარ მოცისკროვნე სილაჟვარდის -
ჩემი სულის ეკლესია შენთვის ნაზად ფიფქებს ბარდნის,

და ფიფქები თრთოლვით მქროლნი გიგალობენ თეთრ სიყვარულს -
თეთრ კაბაში მოსილ ფრთანაზ საქართველოს სულს პატარძლურს...