მე შევიშალე

შენი სიმორცხვით, შენი ფრთაების ციერ სიმდაბლით,
შენი სიტურფით, შენი გულისა უცხო სინაზით,
შენი არსებით, შენი სულით და მისი სიმაღლით,
მე შევიშალე, მე შევიშალე შენ სილამაზით...

მე შევიშალე, მე შევიშალე - შენი ყურებით,
ო, ეგ თვალები, ეგ ღიმილები - სხივებით მწვავენ...
ბაგენი ნაზი, სისათუთითა შემოსილები,
ეგ საკოცნელა, მწიფე ტუჩები -წყურვილით მკლავენ...

ო, ასე ვიწვი და ვეწამები - მწვანე კოცნებით,
ო, მე გავგიჟდი, გავგიჟდი ტრფობით და გრძნეულებით...
შენ სიყვარულით - შენზე ფიქრებით - შენზე ოცნებით,
მე შევიშალე, მე შევიშალე ნაზი გრძნობებით...


06-03-2020