იღე ყურად

იღე ყურად,
ძველებურად
ნათქვამი ეს სიტყვა ძმურად,
და უფრთხილდი შენთვის ვისაც
სიკეთე არ უდევს გულად.

ცხვრის ტყავს კბილი მოუსინჯე
ე, მანდ არ დაგიხვდეს მგლურად;
არ განანოს გაწეული
საქმე შენგან ქმნული ძმურად.

არ მოგადოს დანა ყელზე
გალესილი ვაჟკაცურად.
დღეს სიმართალს ვინ დაეძებს
შერაცხული არის კრულვად.

ზოგს სინდისი სავაჭროზე
გაუყიდავს ოქრო-ფულად,
ზოგსაც თავის ციხე-კოშკში
ჩაუკეტავს ცხრაკლიტულად.

ზოგს ენა აქვს ალესილი,
სხვებთან იწერს შენით ქულას;
თავისი თუ გაიტანა,
ხმით შესძახებს: „ვაშა-ურას!“

იღე ყურად,
ძველებურად
ნათქვამი ეს სიტყვა ძმურად,
და უფრთხილდი შენთვის ვისაც
სიკეთე არ უდევს გულად.