მანასიკა

მანასიკა

ფენტეზული მირაჟია,
სიზმარია ცის.
ფორთოხლისფერ დირიჟაბლებს
დაუფარავთ ცა.
თოლიები მოფრინავენ,
მოფრინავენ ძირს,
ჰელიუმი ფეთქდება და
საკუთარ თავს წვავს.

ზოგჯერ, წამის გაელვება
ერთ სიცოცხლედ ღირს -
მოუყვება სიხარული
საცრემლეთის ღარს.
ჭიანჭველის ჯაჭვები ცხელ
ქვიშის ჯამბარს ჭრის,
კოლეუსით ამომევსო
კალაჰარის ჭა.

ესკაპია.
საკუთარი ოცნებების შლა.
ვარიანტი -
სხვა ცხოვრების საკუთარი შრე,
გაშვებინებს დაშვებებს და
უკანასკნელ შანსს
მანასიკას მანუსკრიპტულ ეტრატებში წერს.

©გიორგი გულუა

2026 წ. 20 აპრილი