უსათაურო

ბალახი - გვამების ერთგული საბანი,
თამაში - სიცილის, ბავშვობის მოსწრება,
საათი - სიცოცხლის წამების კარნახი,
ოცნება - ცის თაღს რომ ვარსკვლავი მოწყდება.


ღალატი - როცა ხმალს გაექცა ქარქაში,
ტირილი - საფლავზე ჭიქების წაქცევა,
მოწევა - მე მისი გახლავართ დამქაში,
სპეკტაკლი - საკუთარ თავისგან გაქცევა.


წუწუნი- ყველაზე მარტივი რაც არი,
ეჭვია - ყველაზე დიდი რუდუნება,
სასმელი - ამღვრეულ გრძნობებთან ცანცარი,
იმედი - დარდის კვლა და გაბითურება.


ხელმწიფე - უგნური, უვიცი, ხარბია,
მონები - ხელმწიფის ბრიყვობის დასტური,
ქალებმა - კაცების მოდგმა დაარბია,
კაცები - ქალების ქალობის საცდური.


საკანი- პატიმარს და მცველსაც აკავებს,
სამართალს - წესებით თამაში არ უყვარს,
სიმართლე - ტყულთან შიშისგან კანკალებს,
ტყუილი - სიმართლეს დასცინის სანუკვარს.


სიცოცხლე - ვიღაცას სადღაც რომ უცდიან,
სიკვდილი - ყოველთვის ვიღაცას რომ უცდის,
ღმერთკაცი - ვერავის რომ ვერ შეუცვნია,
სატანა - რომაელს ლურსმანს რომ გაუწვდის.