გარეთ კი ქარი ქრის

გადაუღებლად წვიმს,
სხივები არსად ჩანს,
და ჩემს სევდიან სიმს,
შრიალი აძლევს ბანს.

გარეთ კი ქარი ქრის,
სიცივე მატულობს,
სადა ხარ? განვიცდი...
ნუ ღელავ! - მპასუხობს.

დავდივარ კარდაკარ,
არავინ არ მიხმობს,
ამინდიც თანდათან,
იცვლება, ქარიშხლობს...

გარეთ კი ქარი ქრის,
დარბაზი ხმაუარობს,
როგორ ხარ? განვიცდი...
კარგად ვარ! - მპასუხობს.

ლოდინიც უცნაურ,
მოლოდინს მპირდება
ვერ ვუძლებ ამ ხმაურს,
სიმშვიდე მჭირდება.

გარეთ კვლავ ქარი ქრის,
არ ვიცი რას უხმობს,
სადა ხარ? განვიცდი...
არავინ მპასუხობს...