მსოფლიო ქარი

მსოფლიო ქარია მეტოქე ჩემი
სხვა არვინაა
მტკვარმა მომივლინა ეს განაჩენი
რაც დაცინვაა

ზამბახხმიანია სიცარიელე
ვით ქალის ნანა
მკვდარი ბავშვების სიმშვენიერემ
წყევლა ქვეყანა

ატირებულია ტიტების ტბები
მე ტივი მტანჯავს
სულით გვიანი ჩნდებოდა გემები
სარკეც არა მგავს

ფეთქავს უსაზღვრობა ხაზის ხასხასის
ძრავს ალიონებს
დუელი ქაოსთა გრიგალებს ჩამძახის
უნაზეს ომებს

სისხლი გულიდან სისხლსაც იმონებს
არ არის ქარი
მღვრიე ეტლები მთვარეს გაათევენ
არსად რაარი


გამიიავდა დემონური თვალების შუქი
ქრის სილა მასზე
სულით მძიმე ვარ სხეულით მსუბუქი
ვით სილამაზე