მზეა თაკარა

მზეა თაკარა-
მერე რა თუ შუაღამეა.
მზეა თაკარა,
ალაგ დღეა, ალაგ ღამეა.
მზეა თაკარა,
დარია და თან ავდარია.
სულმა სხეული იუცხოვა-
რამ გადარია.
სამყაროს ფეთქვას ვაყურადებ -
გულის რიტმს ვუსმენ.
თვალს ვერ ვწყვეტ ზეცას-
დედამიწა დედაა ჩემი.
უსასრულობის სასრულ ზღვართან
ოდესღაც ვიდექ,
ვერაფერს მივხვდი.
ვიპოვე და...
დავკარგე კვალი.
მზეა თაკარა,
მერე რა თუ შუაღამეა.
მზეა თაკარა-
ალაგ დღეა, ალაგ ღამეა...