დღეს იყო ომი

დღეს იყო ომი - მედგრად საომი,
თავდადებული გმირების ბრძოლა,
ძნელად საზომი, სულში ჩამწვდომი
პირგამეხებულ დედების გლოვა.

დღეს იყო ომი - სიმხდალის მზომი,
სიკვდილის შიშით მუდმივი ძრწოლა,
სიფრთხილით მზომი, თან განზე მდგომი
მომცრო კაცების თრთოლვა და ჟრჟოლა.

დღეს იყო ომი - იქნება ომი,
ომმა არ იცის გარჩევა ხალხის,
ამაყად მდგარის, ორ სკამზე მჯდომის,
ის არ დაინდობს არასდროს, არვის.