ვერლენი პოლ - იავნანა

თვლემას გატყობ, ყოფავ ჩემო,
ბინდით შემობურვილო:
განისვენეთ, იმედებო,
განისვენეთ, სურვილნო!

ვეღარაფერს ხედავ, თვალო,
ხსოვნავ, ქრები ნელი-ნელ,
ავს და კეთილს მისათვალო...
დარდო, რად მომევლინე!

ვარ აკვანი საფლავს მდგარი,
სადაც ქარი არა ჩანს -
ხელი მარწევს უჩინარი:
მდუმარება მარადჟამს!

1880

თარგმანი ფრანგულიდან: ბაჩანა ჩაბრაძე

"პირველი სხივი", n°6 (36), 2023
"ლიტერატურული საქართველო", 1995