ჩემი საყდარი

ვგრძნობ სუნს კედლების, მძაფრი სინესტე
უფრო ძველია ვიდრე ეს სახლი,
შენ, რომ ებრძოდი იმ წლებს მივენდე
ვეღარ ვახერხებ შენებას ახლის.

არის წარსული - მწარე სიმართლე
და მომავალი ბინდით მოცული,
შევიკედლებდი სახლში სინათლეს,
რადგან თბილია, თანაც ორსული…

და ეს კედლები მწყობრი თანრიგად
და უჩვეულო ჩემი საყდარი,
გამოშუშდება ახლა ამრიგად
წლებით სავსე და წელში გამტყდარი…

⚜️19/02/2019