მინიატურები

***
ცხელა...
პეპელა
გაეკიდა გაქცეულ წყაროს.
სამი დღე სდია.

******

ქერუბიმნო გვედრით
დამსვით
ღმერთის გვერდით.

******
ჩვენ დედამიწის ყვავილნი ვართ
მფეთქავნი მზის ქვეშ.
******

რია-რია!ჰაერია
მე კი ვყლაპავ რკინას
და ტყუილში და მართალში
ძვლები გამეყინა.
*****
ევა შენი თმათა რხევა
ვინძლო!
დაუნჯდა და მზემ ხმელეთი ირძლო.
******
არ ელოდა ქრისტესგან
ცას და სამოთხეებს,
ჰოდა ადგა იუდა
და
შეერია ხეებს.

*****
გადასცდა ზამთარს ქარიანი,
ცივი დღეები.
შენ გული ჩემი.

*******
ტალღა ტალღას ანაცვლებს,
ბგერა ბგერას,წამი წამს.
როცა მარტო დარჩები
ვეღარავინ დაგიცავს.

*******

აყეფდა ძაღლი,
გადიფარა ამ ცამ საბანი.
ხმაურობს ქუჩა
და ოთახი და პირსაბანი.

*****
წავიდა,
ცხოვრება გადაჰყვა ფოთლებს.
აქ მარტო ომია და გმინვა ახლა
და მაღლა
და მაღლა,
მაღლა და მაღლა
მიფრინავს ეგ შენი ნეტარი სული.

******
დამასკდით აექ!
არ მივიღებ არაფერს მკმარადს.
,,მე იგივე ვარ,იგივე ვარ
მარად და მარად".

*****

ცხოვრება ღირსი არცარი,
რომ გამააბა ბაწარი.

*****
ცრემლი ჩემი ღვარული
ამ ოთახის ფერია.
ვფიქრობ ჩემი განცდები
მზისქვეშ ყოფნის მტვერია.

******