დაისაჯონ მკვლელები!

სიბნელეში ცხოვრობენ
და სისხლში აქვთ ხელები.
გადაწყვეტა ერთია -
დაისაჯონ მკვლელები.

დადიან და არჭობენ,
აღგვიმართეს ძელები.
სწრაფად სამაგალითოდ
დაისაჯონ მკვლელები!

აიწყვიტეს და გახდნენ,
ძნელად დასაბმელები.
გადაწყვეტა ერთია -
დაისაჯონ მკვლელები.

ორკად მოვიხსენიებთ,
მათ არ აქვთ სახელები.
სხვა გზა აღარ არსებობს -
დაისაჯონ მკვლელები!

კეფა უნდა დახარონ
და მოდრიკონ წელები.
გადაწყვეტა ერთია -
დაისაჯონ მკვლელები.

სანამ გადაუბუგავთ
ქალაქები, ველები.
მოვითხოვოთ, სასწრაფოდ
დაისაჯონ მკვლელები!

დავეხმაროთ ჩაგრულებს,
გავხდეთ მათი მცველები.
გადაწყვეტა ერთია -
დაისაჯონ მკვლელები.

ჩვენ თუ მართლა ხალხი ვართ,
ვერ გვმართავენ ბნელები.
დროა, საქმეს მივხედოთ
და დავსაჯოთ მკვლელები!