შენი მმართველი

შენი მმართველი არის მტარვალი,
მას სახელმწიფო მიუტაცია.
არ შეეგუო, აღარ გამოვა
რუსულ რეჟიმთან ადაპტაცია.

შენი მმართველი ცუდი დრაგია,
მას არ მოჰყვება ანოტაცია.
სხვა გზა არ არის, უნდა დაიწყო
უკომპრომისო კონფრონტაცია.

შენს მმართველს ხალხი ძროხა ჰგონია,
სურს მისი წველა და ლაქტაცია.
სახეს ინიღბავს, ურცხვად გატყუებს,
თითქოს მას უნდა კონვერტაცია.

შენი მმართველი სრულად გაირყვნა
მან განიცადა ტრანსმუტაცია.
გამოსავალი მხოლოდ ერთია
ამ ჩირქგროვების ამპუტაცია.