ლოგიკური დასასრული ☠

ამ სოფელში ყველა თამაშს
აქვს რესურსი განსაზღვრული.
ზუსტად ვიცი, ახლოვდება
ლოგიკური დასასრული ☠

გაიღიმე, გაიხარე,
ნუ გაქვს სახე დაზაფრული,
შენც ხომ იცი, არ ამცდება
ლოგიკური დასასრული ☠

მითანაგრძნე, მაგრძნობინე,
წამიერი სიხარული,
გზაში არის და დადგება
ლოგიკური დასასრული ☠

მითხარი, რომ ორს გვეყოფა
მხოლოდ შენი სიყვარული,
თორემ მალე დამასრულებს
ლოგიკური დასასრული ☠